V/C inthlan atan inbuatsaih mek

April 30, 2015-a village council inthlan tur atan district hrang hrang an inpuahchahna mek.

Champhaiah chuan nimin khan election observer Dr C Vanlal­ramsanga hoin DC confe­rence hall-ah mi pawi­mawhte an ṭhukhawm.

Dr C Vanramsanga chuan, Champhai district-ah Model Code of Conduct bawhchhia report a la awm lo tih sawiin, lawmawm a tih thu a sawi a, inthlana duty tur zawng zawngte chu mahni hna ṭheuhah theihtawp chhuah turin a chah.

Meeting-ah hian Champhai DC H Lalengmawia'n inthlan atana an inbuatsaih dan hrang hrang a sawi a; Champhai SP John Laldina'n venhimna chungchanga hmalaknate a sawi bawk.

Kolasib-ah chuan election observer C Lal­hmachhuana hoin DC conference hall-ah in­thlanna atana inpuahchah dan leh ruahmanna siam a nih dante thlirho a ni a; C Lalhmachhuana chuan, inthlanna felfai leh muan­awm neih a nih theih nan inthlanna buaipuitute, political party-te, NGO-te, media leh mipuite ṭawiawm tur leh finchhuah ṭhin turin a sáwm.

Kolasib DC Jitender Yadav chuan, an district chhungah HPC(D) vauna vanga khaw pa­hnihah nomination theh­lut an awm loh thu leh nomination fel hnuah HPC(D) vauna vanga vêka inhnûkdâwk khaw pathumah an awm thu a sawi a ni.