HPC(D) mi pathumte Court-ah hruai

Mizoram police-te'n April 16, 2015-a HPC(D) mi pathum mante chu nimin khan Aizawl District Court-ah hruai an ni a, Court chuan police-te'n darkar 72 an kawl zui a phalsak.

Tarlan tawh angin, HPC(D) mi pathum mante hi - HPC(D) army chief Lalropuia Famhoite (47) s/o Rimawia, Churachanpur, Manipur; finance secretary Norbar Sanate (46) s/o Khupa, Hmarkhawlian, Assam leh, Ngurthantluanga Sanate (29) s/o Siamlien, Churachanpur-te an ni.

Mizoram police-te chuan, HPC(D) mi pathum hi March 28, 2015-a Zokhawthiang daia MLA pathum lambunna inhnamhnawih ngei nia an hriat thu an sawi a; March 5, 2015-a HPC(D)-te'n Mizoram hmar lama Khawlian-a 1st Bn. MAP BoP an kahnaah leh, nikuma Aizawla hmun pangaa bomb tihpuahnaah pawh an inhnamhnawih niin an sawi.