Hmalakna tur hrang hrangte sawiho

UDPA minister Zodintluanga leh Health minister Lal Thanzara hoin, nimin khan ATI-ah UDPA kaltlanga Smart City Mission, NEDP, NLCPR, NEC, NHM leh Ministry of Culture hnuaia Health & Family Welfare atana hmalakna tur bikte an sawiho.

Meeting-a tarlan danin, Smart City project hnuaiah hriselna kaihhnawih thil hrang hrang - trauma centre, emergency service leh damdawi-in bungrua leh khawl mamawhte siam tum a ni.

NEDP hnuaiah State Referral Hospital & Medical College, district hospital leh Cancer Hospital tihchang-tlunna ruahman a ni a; NEC ṭanpuinain Aizawl Civil Hospital-a MRI khawl bun, cardiology leh dental department tihchangtlun leh medical library siam tum a ni. NLCPR hmangin Saiha leh Lawngtlai-ah district dospital sak leh mental hospital din tum a ni bawk.

Damdawi-in bawlhhlawh sawng-bawlna ‘Bio-medical Waste Manage-ment’ kalpui tum a nih bakah, UDPA department chuan damdawi-in building chei ṭhatna turin hma a la mek a ni.

Meeting-ah hian Ministry of Culture-in Guru Gobind Singh leh Pt. Deen Dayal Upadhyaya-te pian champha hriatreng nana ram chhung damdawi-inte tihchangtlun nana project thehlut tura tih angin Mizoram aṭang pawhin Falkawn, Tlabung, Serchhip, Mamit leh Kolasib damdawi-in tihchangtlunna tur DPR thehluh ni se, an ti.

Aizawl Civil Hospital-a zai turte'n awlsam zawka operation theatre an luh theih nan ramp siam rawt a ni a, CT Scan bun an rel bawk.