State Referral Hospital ngaihthahah puh

MNF ṭhalaite chuan Health Minister chu State Referral Hospital ngaih-thahah an puh a; Mizoram Institute of Medical Education and Research (MIMER) din an tumna a ni chungin hun rei tak kawlphetha an hmu ṭha lo hle niin an tarlang.

MNYF chuan, State Referral Hospital-ah kawl-phetha a ṭhat loh avangin Aizawl Civil Hospital Blood Bank aṭanga thisen an lakte tam tak a chhiat phah tawh niin an sawi a, "Referral Hospital hian emergency tana hman tur thisen unit khat takngial pawh an stock ngam tawh lo," an ti.

MNYF chuan, State Referral Hospital-a sum tam tak senga solar energy an bun chu hun rei tak a chhe tawh niin an sawi a, zan lamah ward chhungah bati an chhit ṭhin bakah, zai ngai zai theih lohte pawh an awm fo tawh niin an sawi bawk. MNYF chuan, State Referral Hospital harsatna tawh mek chu a rang thei ang bera chingfel turin Health Minister an phût a ni.