BJP hnuaiah MNF an kûn - Congress

Congress party ṭhalai chuan thu-chhuah siamin, tun hnaiah North East Democatic Alliance (NEDA) din a ni tih sawiin, "BJP huaihawta NEDA dinnaa a phûr ber pawla tel MNF hian BJP nihliap hnuaia an telna hi Mizo mipui hmaah hian sawifiaha thiamthu sawi hi bânsan rawh se. Engti zawng pawhin insawi fihlim tum mah se, NEDA hi BJP hmalaknaa din, a dintute pawh Central-a BJP hruaitute an ni tih Mizo mipuite’n kan hai lo," an ti.

MPYCC chuan, July 18-a MNF office bearer-te Mizo Hnam Rûna ṭhukhawmin India sorkar tana remna palai hnathawk turin an president Zoramthanga chu hruaitu tling a ni tia an sawi chu MNF-te India laka an tlâwmzia ti-chiangtu niin an tarlang.

MNF-te chu sorkar laipui mi rin nih ringawt pawh inchhuanna thama ngaiah puhin, MPYCC chuan, MNF-te chuan Mizo nationalism an kalsan tawh niin an sawi a, "Mizo Nationalism hi sawi tlakah kan ngai lo," an ti.