HIV endikna ṭha zawk neih dan tur zirho

MSACS leh SHARE India ṭangkawp chuan, nimin khan Hotel Regency-ah HIV enfiahna lama hna thawh dan kalphung tihhmasawnna turin thawktute puala inzirtirna hun an buatsaih a, vawiinah chhunzawm a ni ang.

Training of ICTC staff to implement Quality Management System hawngtu, Health principal director Dr K Ropari chuan, HIV enfiahna Integrated Counselling and Testing Centre (ICTC) chu team anga thawhhona a nih angin, tihhmasawnna pawh a huhoa thawhhona ṭha aṭanga thleng thei a ni tih a sawi a; phai lama report thawn kawngah fimkhur a pawimawh thu a sawi bawk.

SHARE India senior project manager Dr P Adhikaree chuan, India rama ICTC laboratory-te'n hma an sawn theih nan vil vek tura ruahmanna an siam thu te, SHARE India chu quality management system lam thlurbinga Centre for Disease Control (USA) hnuaia thawk an nih thute a sawi.

MSACS project director Dr Lalmalsawmi Sailo pawhin, NACO hnuaiah state zawng zawngin hmalakna leh inzirna lama harsatna an neih laia SHARE India-in intuaihriamna hun a rawn buatsaih chu lawm-awm a tih thu a sawi a; training chu thawktu lamin rilrua vei leh hriatthiam loh an neihte chinfel-na hun atana hmang turin chah.

Training hi Aizawl, Lunglei, Champhai leh Kolasib district-a ICTC-a thawkte puala buatsaih a ni.