Thlai inleisakna tur portal-ah mi 45,585 vel an inziak lut

Mizoram sorkarin thlai pali hralh leh lei a buaipuiah thlai thar lei tur neite inziah luhna tur portal siam niin, mi 45,585 an inziak lut tawh. Inziak lutte aṭangin kuminah sawhthing quintal nuai 10.84 vel thar beisei a ni.

Thlai lei tur nei portal-a inziak lut zingah sawhthing lei tur nei tura inngaia inziak lut an tam ber a, mi 25,154 an inziak lut. Aieng chingtu mi 3,414 an inziak lut a, hmarchate chingtu mi 8,517 leh hmunphiah chingtu mi 8,500 an inziak lut bawk.

Thlai chingtute portal-a inziak lutte'n thlai lei tur an neih tur zat an chhût aṭanga a lan danin, kumina hmalakna aṭangin sawhthing quintal 10,84,975, aieng quintal 77,492, hmarchate quintal 36,774 leh hmunphiah quintal 1,20,000 thar chhuah theih beisei a ni.

Mizoram sorkar chuan thlai a thlan pali hi Mizorama thar ngei hralh a nih theih nan leh kut hnathawktute'n man man zawka an hralh theih nan society kaltlangin lei a tum a; Multipurpose Primary Agriculture Credit Society (MPACS) anga kalpui turin kut hnathawktute a chah.