Zirlai thar lawmna buatsaih

Champhai College chuan Thawhlehni khan zirlai thar lawmna leh zir chhuakte thlahna hun an buatsaih a, Champhai DC Vanlalngaihsaka'n a hmanpui.

Champhai College inkhawmah Champhai DC chuan, Mizote chu hnam tlemtê ni mah se, central lama hna sang tak tak thawk an tam chuan hnam tlemtê ni chungin India chu Mizote rorelna hnuaiah a awm thei tih a sawi a; zirlai kalkhawmte chu an zirlai bakah, hriatna tizau thei lehkhabu chhiar taima tur leh social media hmang ṭangkai turin a chah.

Champhai College aṭang hian zirlai 102 exam zingah 65 an pass a, pass percentage chu 63.73% a ni. Kuminah hian admission ti thar zirlai 297 an awm a, zirlai awm mek zat chu 621 an ni.