Brig. T Sailo Energy Point hawng

Food, Civil Supplies & Consumer Affairs (FCSCA) minister K Lalrinliana chuan Septem­ber 26, Inrinni khan Bairabi Rimawi Vengah Brig. T Sailo tu leh fate'n an din, Brig. T Sailo Energy Point a hawng.

K Lalrinliana chuan, Brig. T Sailo chu Bairaibi-a rêl a luh theihna tura sûlsutu pawimawh tak a nih thu sawiin, "Ram tana mi thawh hlâwkte hming chawia an fate'n hma an la hi an fakawm. Mizorama oil leh gas hnianghnar zawk a awm theih nan Mualkhang Gas Bottling Plant changtlung zawk siam a nih theih nan ruahmanna siam a ni a, oil depot bunna tur hmunhmate pawh thlithlai mek a ni," a ti.

Brig T Sailo Energy Point-ah hian petrol litre 20,000 leh diesel litre 25,000 dah khâwl theih a ni.