Nurse thubuai Court-ah kal zel

Lalbiakdiki w/o Vanlalpeka Ngente, Lunglei Rahsi Veng thubuai chu a ukilte'n Court sang zawkah an thlen a, ngaihtuah chhunzawm tura tih a ni.

Thu dawn danin, Lunglei CJM Dr HTC Lalrinchhana'n nurse Lalbiakdiki hi thiam loh a chantir avangin thiam loh a chantirna chu sût a nih theih nan District & Sessions judge R Thanga Court-ah dilna (appeal) thehluh a ni a; District & Sessions Judge chuan Additional District & Sessions judge Helen Dawngliani ngaihtuah turin a thawn.

Thubuai hi Additional District & Sessions Court-ah nimina ngaihtuah tura tih a ni a; mahse, sorkar ukil lamin thil pawimawh thehluh tur a thehluh hman loh avangin ngaihtuah a ni lo.