KHAWTHLIR

Eng awm dawn lo

Power & Electricity dept. chuan thuchhuah siamin, naktukah Zuangtuia 132 KV sub-station-ah hna an thawh dawn avangin zing dar 9:30 aṭanga tlai dar 5 thleng he sub station-in a chawm Aizawl khawpuia chhunga veng engemawzatin eng an hmu theih dawn loh thu an tarlang a, mipuite hriatthiamna an ngen.

Thisen pe

Academy of Integrated Christian Studies (AICS) chuan, nimin khan Aizawl Civil Hospital tan blood donation camp an huaihawt a, mipa 28-in thisen an pe.

NLUP sem

Agriculture department chuan, nimin khan Serchhip Hmarveng YMA Hall-ah an department hnuaia Serchhip, Bung-tlang leh Chhiahtlang khuaa NLUP ṭanpuina dawng turte hnenah sum an sem.

Minister-in tlawh

Minister Lalsawta chuan, nimin khan a bial chhung Chhing Venga MLA fund cheng nuai 15 chuang sênga motor kawng sial mek leh in-kalpawhna step siam mek leh a chhe tawh thawm ṭhat ngaite a tlawh a, khawtlang hruaitute'n an ṭawiawm.

Lawngtlai Swachh Bharat

Lawngtlai District Swachh Bharat Mision (Gramin) chu Nilaini khan DC conference hall-ah minister Dr BD Chakma hoin ṭhukhawm. Meeting-ah hian Lawng-tlai district-ah kum 2016-17 chhungin êk-in 4,000 aia tlem lo siam tum a nih thu leh, tun dinhmunah êk-in 57 siam zawh niin, 432 siam mek a nih thu tarlan a ni.

NEET-II exam

Mizoram sorkar chuan thuchhuah siamin, CBSE-in July 24, 2016-ah Pachhunga University College-ah MBBS leh BDS zirturte tan AIPMT NEET-(II) exam a buatsaih dawn tih a tarlang a, "NEET-I exam neih
ṭumin candidate-te'n thil an hriat chian tâwk loh avangin harsatna a awm a, chuvangin, exam turte chuan admit card-a hriat tur inziakte leh information an dawn tawhte zâwm ṭheuh tura hriattir an ni," an ti.