MPYCC-in coaching centre tlawh

Congress party ṭhalai hruai-tute chuan, nimin khan an president Vanlalawmpuii Chawng-thu, MLA hoin Mizoram Youth Commission (MYC) hmalaknaa IAS & SSC coaching centre-te an tlawh a; "Congress manifesto-a a ziak angin sorkarin ṭhalaite khaw-vel thar din kawnga hma a lak mekte ropui kan ti hle," an ti.

MPYCC hruaitute hian MYC pisa leh Dinthar venga IAC coaching academy leh SSC coaching academy-te an tlawh a; Vanlalawmpuii Chawngthu chuan, Mizo ṭhalaite ban phâka Aizawla IAS coaching centre din a ni chu ropui a tih thu sawiin, "Delhi-a awm man a to mai bakah, coaching fee to nen, mi hausa tan chauh IAS a tlin theih niin kan lo ngai ṭhin. Tunah chuan thluak ṭha, sum leh paia harsate tan pawh chance
ṭha tak a awm ta a, Mizo hnamin a mamawh Mizo ṭhalai IAS kan neih ngei ka beisei,” a ti.