MPC leh ZNP ṭhalaite'n Kamalanagar dist. duh lo

MPC leh ZNP ṭhalaite chuan thuchhuah inṭawm siamin, "Hnam bil thil nia lang thei tura Kamalanagar district siam tuma rawtna awm nia lang hi kan dodal tak zet a ni tih kan puang," an ti.

MPCY leh ZNP ṭhalaite chuan, tunlaiin Mizoram mipuite LPG subsidy atana Aadhaar card number thehluh a ngaih avangin an phek buai nia sawiin, "Private gas agency tam zawkin Re. 1 pawh phût loa an tihfelsak theih mai laia sorkar hnuaia mi MIZOFED-in Rs. 10 lek îta ṭulna awm loa form Rs. 10-a mipui an khulhtir hi kan sorkar pachhiat luat vang em ni?" an ti. He thil hi ngaihven tura sorkar an phût bakah, private agency-te tih anga ti ve turin MIZOFED an phût.

Party pahnih ṭhalaite chuan, gas subsidy atana Aadhaar card thehluh ngei ngai tih chuan Supreme Court ruling a kalh em tih tih zir chiang tur te, mi tam takin sakhuana thil vanga an tih ngam loh avangin India Constitution Article 371(a)(i)-in sakhaw thila mipui a humhalhna dante a kalh leh kalh loh zir chiang-a bawhzui turin sorkar an ngen bawk.