Lirthei dang leh dawn lo

September 12, 2020 zana Lailapur-a Mizoram oil tanker tihchhiat leh driver kutthlak chungchangah Mizoram Oil Tanker Driver's Association (MOTDA) leh Silchar Truck Driver's Association (STDA)-te chu tun hnai khan an inbia a, MOTDA thil phût - oil tanker chhia siamna chungchangah inremna an siam bakah, hliamte enkawlna atan STDA-in Rs. 3,000 pek an inhuam avangin inrem. 

MOTDA leh STDA-in inremna an siam tak avang hian Mizorama lirthei pawl hrang hrangte'n September 29, 2020 aṭanga Mizorama lirthei lut tur dan an tum chu an ṭhulh a ni. Tarlan tawh angin Mizorama lirthei pawl hrang hrangte Sep­tember 22-a ZDU pisa-a ṭhu­khawm chuan September 12-a an driver puite'n Lailapur-a kut an tuar chu pawi an tih thu tarlangin, "Zangnadawmna pek leh motor siamna senso pek kan ngen. Pawikhawihtute a rang thei ang ber man chhuak turin Mizoram sorkar kan beisei. September 29 hmain a hlawhtlinna kan hmuh loh chuan Mizorama lirthei lo lutte dan a, a hlawhtlinna atana hmalak ngei ni se," an ti.