CYMA-in thisen pek harsatna zir chian rel

YMA Central Executive Committee chuan YMA-te'n blood donation camp an neih dawna thisen pek a harsa ta lutuk chu zir chian ni se tiin an rêl a, zir chiang turin Central YMA hnuaia Health & Sanitation Sub-Committee an ruat.

YMA CEC hi Ningani khan CYMA Committee Room-ah an ṭhukhawm a, president Lalbiakzuala'n a kaihruai. CYMA president Lalbiakzuala chuan thisen peka harsatna zir chian dan tura YMA ngaihtuah dan zawhna chhangin, YMA Day leh YMA branch-te jubilee puala thisen pek dawna blood bank lamin harsatna leh remchan lohna an neih ṭhin te, YMA huang chhunga blood donation awareness uar zawka kalpui dan tur te, YMA leh blood bank-te thawhho ṭhat zawk dan turte zir chian tum a nih thu a sawi.

Central YMA chuan, YMA general conference neih loh kuma neih tur, kumina Rorel Inkhawm neihna hmun atan R Deng-
ṭhuama Indoor Stadium, Mualpui an thlang a, a hun atan October 20 an ruat.

Rorel Inkhawm ní tlai lamah ruai ṭheh ni se, an ti a; felfai taka hman a nih theih nan sub-committee pakua - Fund Raising, Reception, Ushering, Refreshment, Sanitation, Medical, Security & Traffic, Stage & Decoration leh Ruai sub-committee-te din a ni.

CYMA chuan, ruihhlo do kawngah sorkarin YMA-te thawhpuia a sawm angin, August 5, 2016-ah Vanapa Hall-ah a hawnna hun han an rel a; Mizoram State Sports Council-in October 13-14, 2016 chhunga Mizo Indigeneous Games a buat-saih turah YMA group leh branch-te tel phalsak tura an dilna an remtih bakah, 6th Librarian Day lawmnaa YMA branch library enkawltute tel phalsak tura dilna leh ATI-in crime sence training an buatsaih turah Aizawla YMA branch-te tel an phalsak.