Minister-te'n sorkar hmalaknate an tlawh

Finance minister Lalsawta leh UDPA minister Zodintluanga chuan nimin khan Dawrpui Veng tlawhin, khawtlang hruaitute nen an inkâwm a, sorkar hmalakna hrang hrangte an tlawh nghal.

Lalsawta chuan, sorkar hmalakna thar New Economic Development Policy (NEDP) hmangin Mizoramin bung thar a kai dawn tih sawiin, "He policy thar hmang hian mi tumruh leh teirei peih, lehkhathiam leh a ngaihna hriate tan kawng hawnsak a ni dawn a, thlai, buh leh bâl thar chhuah leh ranvulhte hi sumdawnna hlawhtling, hausakpui tham eizawnna tlak a nihzia lantir kan tum," a ti.

Zodintluanga pawhin thu sawiin, "Ram hma-sawnna hna thawk tura mipuiin an thlan chhan ang ngeiin sorkar ding lai chuan theihtawp a chhuah a, Dawrpui chhung-ah ringawt pawh hmuh theihin hmasawnna hna tam tak thawh a ni," a ti a; Aizawl Civil Hospital bul Jail Veng panna kawngpui tizaua transformer hlui tawh sawn chhuakin, turning point zau zawk siam tum a nih thu a sawi.