Lungleiah Cultural Heritage Centre hawng

Art & Culture de-partment-in Lungleia Cultural Heritage Centre an din chu nimin khan Art & Culture minister R Romawia'n a hawng. He Centre hi cheng nuai 300 sênga din a ni.

R Romawia chuan, Cul-tural Heritage Cen-tre hawn theih a ni chu lawmawm a tih thu sawiin, "Pathianin hnam ze ropui tak min pe a, chu chu kan chhawm nuna kan pholan zel a ngai. Kan ram leh hnam zia a ral mai loh nan theihtawpa kan humhalh a, kan chhawm nun zel a pawimawh. Hemi kawngah hian Art & Culture department pawhin theihtawp an chhuah a ngai," a ti.

Parliamentary secre-tary (Art & Culture) H Zo-thangliana pawhin thu sawiin, Cultural Heri-tage Centre chu ṭhangtharte tana zai leh lâma hmasawnna thlentu a nih a beisei thu a sawi.

Cultural Heritage Centre hi 13th Finance Commission hnuaiah cheng nuai 300 sênga sak niin, square meter 628.64-a zau a ni a; lam leh rimawi zirna, conference hall leh lirthei dahnate a awm a ni.