Jail aṭangin tlân chhuak

Rûkrûk thubuai avanga Aizawl District Jail-a táng, Chawngneihsanga (23), Ramhlun North chu July 15, 2016 khan jail aṭangin a tlan chhuak a, a awmna chin hria chu police station hnai bera hriattir turin police-ten an ngen. Amah hi ft. 5.4 vela sang, hâng lam a ni.

Aizawl Police Station aṭanga thu dawn danin, Chawngneihsanga hi bike rûk vanga man niin, thla thum chhung táng tur leh Rs. 5,000 chawi tura tih a ni a, thla khat tàn la hmabak a ni. Jail hnathawkte indaih loh vangin táng chhuak hnai tawh ṭhenkhat chu hmun phiahtir ṭhin an ni a, Chawngneihsanga pawh July 15 khan hmun a phiah laiin Gate No. 2 aṭangin a relhru nia hriat a ni.

Hetih lai hian, July 9, 2016-a Central Jail aṭanga tlan chhuak, Lalrindika (26), West Lungdar chu zawn hmuh a la ni lo.