Hnahthialin dist. puitling duh

Inrinnia Hnahthial Bazar YMA Hall-ah Hnahthial District Function Demand Committee (HDFDC) hruaitute ṭhukhawm chuan, district headquarters-a Hnahthial puan tawh chu a puitlin theih nan beidawng loin hma an la zel dawn tih an puang.

HDFDC meeting hi chairman Lalhmingliana'n a kaihruai a; Lalhming-liana chuan, Hnahthial district a taka a kal theih dan kawng an dap zel dawn tih sawiin, "District hi demand na a rei tawh a, Congress sorkar term hmasaah daih tawh a ni a, kan beidawn san mai tur a ni lo," a ti.

HDFDC meeting chuan, Hnahthial district a taka a puitlin theih nan bialtu MLA beráwn chungin a rang thei ang bera Chief Minister hmuh an rél a; Aizawlah Chairman, Vice Chairman leh Secretary bakah, Executive Committee member a thei apiang kal ni se, an ti. Hnahthial bakah, an chhehvel khaw hrang hranga mihring awm zat leh an dinhmun zir chian an rel bawk.