Luidunga nungcha man lo turin ngen

Tuipui tlawhchhan khaw hrang hrang Branch YMA Joint Committee chuan kumin October chhung chu eng hmanraw hmang mahin Tuipui luidung nungcha man lo turin mipui an ngen.

Tuipui tlawhchhan joint committee-te hian kum 10 hma lam aṭang khan harsatna tam tak karah Tuipui luidung nungcha, thing leh mau humhalhin hma an lo la tawh ṭhin  ani.  October thla chho hi nghalim fuan hun a nih avangin kum tina hma an lo lak ṭhin angin October  1 -  31 thleng chu eng hmanraw hmang maha Tuipui luidung nungcha man lo turin mipui an in ngên thar leh a ni.

Ruahtui tlak dan azirin humhalh hun chhung hi pawh sei theiha ruahman a ni. Nikum 2019 khan an ngennate mipuiin an thlawpnaah Tuipui tlawhchhan joint committee te chuan lawmthu an sawi.