Tui lian avangin harsatna tâwk

Bairabi Tlawng lui a len avangin Bairabi khaw chhung tlawng kama chengte'n harsatna an tâwk a, in pakhat ṭhiah a ni tawh.

Thu dawn danin, kumina Bairabi Tlawng lui a len vangin H Vanlal-ruata te in awmna chu min mai thei a nih avangin, an choka ṭhiah a ni tawh a, Ramthar Venga anganwadi pawh dinhmun hlauhthawn awmah a ding mek. Tui lian hian kum tinin lui kam lei a la hêk zel a, Bairabi khaw chhung kawngpui pawh meter 50 vel bakin a hlat tawh lo.

Bairabi khawtlang hruaitute chuan fur ruahtui tlaklaia tui lian vanga kum tina an harsatna tawh ṭhin chu sorkarah pawh an thlen tawh ṭhin thu an sawi a, "Kuminah pawh kan harsatna tawh hi Kolasib DC hnenah kan thlen tawh a, hmalakna an la nei lo," an ti.