MZU-ah master degree zir dil 2,554 an awm

26th July, 2016

Academic session 2016-17 atan mi 2,554-in Mizoram University-ah master degree zir thar tumin an dil mek a, entrance exam leh personal interview kaltlangin lak an ni ang.

August 1, 2016-ah class ṭan tur a nih avangin tunlai hian department hrang hrangin exam leh interview an kalpui mek.

MZU assistant registrar (Aca-demic) Lalchhuanawma Hrahsel hnen aṭanga thu dawn danin, kumin hian Ministry of Human Resource Development ruahman angin, University Grants Com-mission chuan dan thar a siam a, dilnate chu online hmang veka kalpui a ni a; internet ṭhat loh emaw harsatna ṭhenkhat a awm theih venthâwn thilah dilna hard copy thehlut tho tura tih a ni. Online hmanga dilna thehlut zingah master degree zir tura dilna 2,554 an dawng tawh.

Master degree bakah MZU chuan B.Ed zir tura dilna 440, M.Ed dilna 46, B.Arch dilna 36 leh B.Tech zir tura dilna 220 an sawng tawh. MZU-a master degree course zir theihna department 27-a seat awm zawng zawng chu 828 a ni a; B.Ed-ah seat 50, M.Ed-ah seat 50, B.Arch-ah seat 30 leh B.Tech-ah seat 150 a awm.

MZU chuan July 2, 2016 khan graduate exam result a tichhuak a, kumin hian MZU aṭangin graduate thar 2,228 an awm a ni.

Master degree dil zat leh an dilna

1. SCHOOL OF LIFE SCIENCES

# Botany department-ah seat 30 awmin, mi 103-in dilna an thehlut. Botany-ah hian Ph.D thlengin a zir theih.

# Zoology-ah seat 30 awmin, mi 124-in dilna an thehlut. Zoology-ah ghian M.Phil leh Ph.D zir chhunzawm theih a ni.

# Biotechnology-ah seat 25 awmin, dilna thehlut zat chu mi 84 an ni. M.Phil leh Ph.D thlengin a zir theih.

2. SCHOOL OF EDUCATION & HUMANITIES

# Mizo department-ah M.A zir thar tum mi 154 an awm a, mi 50 lak tur a ni. M.Phil. leh Ph.D a zir theih.

# English department-ah seat 35 awmin, mi 130-in dilna an thehlut a; M.Phil leh Ph.D a zir chhunzawm theih.

# Education department-ah seat 30 awmin, dilna 70 a lut a; M.Phil. leh Ph.D thlengin a zir theih. B.Ed zir tura dilna 440 a lut a, M.Ed zir tura dilna 46 a lut bawk.

# Hindi department-ah seat 25 a awm laiin, zir tuma dilna thehlut mi pahnih chiah an awm. Hindi-ah hian M.Phil leh Ph.D thlengin a zir theih.

3. SCHOOL OF PHYSICAL SCIENCES

# Physics department-ah M.Sc zir tumin mi 100-in dilna an thehlut a, mi 30 thlan an ni ang. Ph.D zirna awm.

# Chemistry-ah dilna 140 a lut a, mi 25 lak an ni ang. Chemistry-ah hian Ph.D a zir chhunzawm theih.

# Mathematics and Computer Science-ah dilna thehlut mi 60 an awm a, mi 30 lak an ni ang. Ph.D thlengin a zir theih a ni.

4. SCHOOL OF SOCIAL SCIENCES

# Psychology-ah seat 30 awmin, zir tuma dilna thehlut mi 52 an awm. M.Phil. leh Ph.D a zir chhunzawm theih.

# Social Works (MSW)-ah seat 30 awmin, mi 153-in dilna an thehlut a; M.Phil. leh Ph.D thlengin a zir theih.

# Political Science-ah seat 40 awmin, mi 199-in an dil a; M.Phil. leh Ph.D thleng a zir theih a ni.

# History & Ethnography-ah seat 45 awmin, mi 105-in dilna an thehlut a; M.Phil. leh Ph.D a zir chhunzawm theih.

# Public Administration-ah seat 35 awmin, dilna 64 a lut a; M.Phil. leh Ph.D zir chhunzawm theih a ni.

5. SCHOOL OF EARTH SCIENCES & NATURAL RESOURCES MANAGEMENT

# Geology-ah M.Sc zir tum mi 122 awmin, mi 30 thlan an ni dawn a, Ph.D a zir chhunzawm theih.

# Forestry (Agro Forestry)-ah seat 30 awmin, dilna 109 a lut a; Ph.D a zir theih.

# Geography & Resource Management-ah seat 30 a awm a, dilna 97 a lut. Ph.D zir chhunzawm theih a ni.

# Horticulture, Aromatic & Medicinal Plants-ah seat 25 awmin, mi 88-in dilna an thehlut. HAMP-ah hian Ph.D a zir theih.

# Environmental Sciences-ah application 74 a lut a, mi 25 lak an ni ang. Ph.D zir chhunzawm theih a ni.

6. SCHOOL OF ECONOMICS MANAGEMENT & INFORMATION SCIENCES

# Commerce-ah seat 40 awmin, mi 136-in zir an dil. Commerce-ah hian M.Phil. leh Ph.D a zir theih.

# Economics-ah seat 50 a awm a, dilna thehlut mi 135 an awm. M.Phil. leh Ph.D zir chhunzawm theih a ni.

# Management-ah seat 30 awmin, MBA zir tuma dilna thehlut mi 54 an awm. IMBA (Integrated MBA) seat 30 a awm a, dilna thehlut mi 59 an ni. Management-ah hian Ph.D thleng a zir theih.

# Library & Information Science-ah M.Lib. zir tum 32 an awm a, mi 25 thlan an ni ang. M.Phil. leh Ph.D a zir theih.

# Mass Communication-ah seat 20 a awm a, zir tuma dilna thehlut mi 45 an awm.

MZU-a master degree zir tum khaikhawmna

Department. Seat zat Dil zat

2014 2016

English 35 104 130

Education 30 120 70

Mizo 50 153 154

Hindi 25 4 2

Economics 50 141 135

Library & Information Sc. 25 52 32

Commerce 40 139 136

Management 33 46 54

Mass Communication 20 56 45

Political Science 40 235 199

History & Ethnography 45 105 125

Public Adminstration 35 106 64

Psychology 30 48 52

Social Work 30 150 153

Sociology 30 Nil 102

Geology 30 69 122

Forestry 30 56 109

Environmental Science 25 56 74

Geography & Resource 30 124 97

Management

HAMP 25 21 88

Botany 30 60 103

Biotechnology 25 49 84

Zoology 30 64 124

Physics 30 49 100

Chemistry 25 49 140

Mathematics & Comp.Sc. 30 51 60

B.Arch. 30 Nil 36

B.Tech. 150 Nil 220

B.Ed 50 Nil 440

M.Ed 50 Nil 46