Kalamanagar district sorkarin a hriatpui lo: MPCC

Congress party chuan thuchhuah siamin, Chawngte/Kalamanagar district thar piang tur anga thuthang awm chu Mizoram sorkarin a hriatpui lo niin an tarlang a, "He thu belhchian dâwl lo avang hian Zoram mipuite lo chî-âi lo turin kan ngen a ni," an ti.

MPCC chuan, Mizoram sorkarin district thar leh awm sa tihdanglam dan tur ngaihtuahtu District Re-organisation Committee a din avangin mi tute pawhin agenda an thehlut thei tih sawiin, "Agenda lut zinga Chawngte /Kalamanagar district tur dilna lut pawh dilna dang ang bawka lut ve pakhat a ni mai a, sorkarin pek leh pek loh chungchangah thu delhkilh a nei lo," an ti a; district thar chungchang chu Committee kutah engkim a la awm vek tih an tarlang.