Pawl hrang hrangin thisen unit 221 an pe

Haulawng bial ṬKP chuan Inrinni khan Lunglei Civil Hospital-ah thisen unit 96 an pe a, a petute mipa 65 leh hmeichhia 31 an ni. Bethlehem Vengthlang branch YMA chuan an branch golden jubilee lawm nan Inrinni khan Aizawl Civil Hospital-ah thisen unit 57 an pe a, a petute mipa 44 leh hmeichhia 13 an ni.

Dinthar Vengthlang branch KṬP pawhin Inrinni khan Synod Hospital-ah thisen unit 34 an pe a, a petute mipa 32 leh hmeichhia pahnih an ni. Inrinni vek khan Kawnpui Chhimveng Pastor Bial KṬP chuan Kolasib District Hospital-a hman turin thisen unit 34 an pe a, mipa 24 leh hmeichhe 10-in an pe a ni.