Kawng siam phûtin V/C thlan loh tum

Serchhip district-a Rúllàm khua chuan an khua leh Chhawrtui inkar kawng PMGSY hnuaia laih, km. 21-a thui blacktop hna chhunzawm a nih loh chuan V/C inthlan turah vote thlak loh an tum.

Rullam NGO Coor­dination Committee thu­chhuah chuan, an khaw kawng hi kum 2007-ah blacktop ṭan ni mah se, tun thlengin zawh a la ni lo tih an tarlang a; chak zawka thawk turin ṭum tam tak sorkar an lo ngen tawh tih sawiin, April 28, 2015 hmaa blacktop chhunzawm tura hmalakna hmuh tur a awm loh chuan lungawi loh lantir nan V/C inthlan turah vote an thlak dawn lo tih an sawi a ni.

Rullam-Chhawrtui kawng hi October 30, 2007-ah blacktop turin contractor pakhat pek a ni a, thla 18 chhunga hna a thawh ṭhat theih loh avangin cancel a ni. Kum 2013-ah tender nawn leh niin, contractor dang pek a ni a, contractor thar pawhin tun thlengin hna a la thawk mumal lo a, hna thawh hun chhung tur pawh July 15, 2015 thleng pawhseisak a nih thu an tarlang.