CS-in chhim lama sorkar hmalakna a tlawh

Chief secretary Lalmalsawma chuan, Inrinni khan Kaladan Multi Modal Transit Transport Project (KMMTTP) kawng laih mek leh Zochachhuah khuaa India leh Myanmar insumdawn tawnna hmunpui, Zorinpui Land Custom Station sakna hmun tur a tlawh.

Lalmalsawma chuan ramin hma lam a pan zel theihna atan inzarpharh deuh deuh a ngai tih sawiin, "Ram ṭhenawmte nena tam zawka indawr tawn a ṭul thin. He kawngpui laih mek pawh hian kan ram tan hlawkna tam tak min thlen ngei a rinawma, sawrkar laipui pawhin a ngaihven hle a ni. Ṭha taka puitlin a nih thuai theih nan kan insanmar deuh deuh a ngai," a ti.

KMMTTP Project Division II enkawltu PWD EE Lalthanzuala Ralte chuan, KMMTTP kawng hi hmun ṭhekhatah chuan black top a nih tawh thu a sawi. CS hi Lawngtlai DC J Hmingthanmawia'n a ṭawiawm a ni.