Serchhip District Jail hawn tum hnai

Home minister R Lalzirliana chuan, Chhiah-tlanga Serchhip District Jail sak mek chu Septem-ber 2016 chhunga hawn hman tum a nih thu a sawi.

Prison changtu Mi-nister hi nimin khan a pisaah MJA Serchhip District hruaitute'n an hmu a, July 7, 2016-a Serchhip District Jail sak mek an tlawh chungchang an sawipui a ni.

Serchhip MJA hruai-tute chuan Serchhip District Jail tur chu sak zawh tawh a nih thu leh thawktu turte pawh dah an nih tawh thu sawiin, tuna la hawn theih loh chhan chu jail vengtu tur silai keng police dah an la nih loh vang chauh nia an hriat thu an hrilh.

R Lalzirliana chuan, tuna harsatna awm chu ration supply-tu tur tender an chhuah chhángtu an awm loh vang a nih thu sawiin, a rang lama tender chhuah leh a nih tur thu a sawi a, Prison IG chu tender chhuah leh turin a hriattir nghal.

Home Minister chuan Serchhip District Jail chu September 2016 laihâwla hawn hman turin ruahmanna a siam a; Serchhip MJA hruaitute'n jail panna kawng hmun
ṭhenkhatah siamṭhat a ngai tih an sawi chung-chang-ah, jail hawn tumna a dâl loh tur thu a hrilh.

Serchhip MJA-te hian July 7 khan Serchhip District Jail sak tawh chu a hmunah an tlawh a; Jail Superintendent bakah thawktu dangte pawh dah an ni tawh a, jail hawn a la nih loh avangin thawktu ṭhenkhat chu hmun danga sawn leh rihte pawh an awm tih an tarlang.