MRP tihdanglam bungrua man

Serchhipa Legal Metrology Enforcement staff-te chuan, nimin khan Serchhip bazara dawr pakhatah thil man (maximum retail price) thai chhiat hnua sticker an bel hnan chunga a man ziah chawp hmanga bungraw zawrh an man.

Legal Metrology hotute chuan, bungrua eng pawh mipuite hnena zawrh chhuahah MRP lem siam emaw, MRP aia toa hralh chu Legal Metrology Act 2009, PC Rules Section 2 & 5 kalh a nih thu an sawi a, “MRP tidanglam emaw, a aia toa hralh emaw man chhuahte chu Rs. 2,000 thleng chawitir theih an ni a, hei aia nasa zawk pawha hrem theih an ni,” an ti.