Sapthei lei dan tur ruahman

Industries Secretary hoa a pisaa Thawhlehnia Industries department hotu te, NLUP Imple-menting Board Secretary leh MIFCO hotute ṭhukhawm chuan, sapthei chíngtute thar chhuah zawng zawng leisak theihna turin rua-hmanna an siam.

Meeting-a an rel danin, nimin aṭang khan MIFCO Food Processing Plant, Chhingchhipah NLUP sum MIFCO-in an kawl mek hmangin sapthei sawngbawl tur lei hi ṭan tur a ni a; tun hnu zelah pawh Chhingchhipa sapthei chíngtute leh MIFCO plant-a thawktute inbe remin, sapthei thar beisei zat leh MIFCO plant-a lei dan turte ruahmanna siamho zel tur a ni.

MIFCO Food Proce-ssing Plant-ah hian Tuikum bial tan Thawhṭanni, Nilaini leh Zirtawpniah sapthei hralh theih a ni ang a; Thawhlehni, Ningani leh Inrinni-ahte Suangpuilawn bial tan hralh theih a ni ang.