KHAWTHLIR

Motor hlân

ZIDCO chairman Lalrobiaka, MLA chuan nimin khan a bial chhunga model village atana a thlan Reiek tan bawlhhlawh paihna turin Mahindra pick-up, Geeto a hlan. Motor hi Model Village Sanitation Committee-in an enkawl dawn a, driver hlawh leh diesel man chu mipui hnenah an khawn ṭhin ang. Reiek khawtlang chuan bialtu MLA hnenah hian lawmthu an sawi.

Nutrition Day

Village Health Sanitation & Nutrition Committee huaihawtin nimin khan Zoluti Hall, Serchhipah Nutrition Day hman a ni.

V/C inthlan

State Election Commission chuan April 30, 2015-a village council inthlan neih theih lohna hmun Khawzawl-I (Electric Veng)-ah August 23, 2016-ah inthlan a buatsaih dawn. Khawzawl-I ah hian V/C seat panga a awm a, pakhat chu hmeichhe tana hauh a ni.

MSCU budget

Mizoram State Cooperative Union (MSCU) Board of Directors chu nimin khan an president Lianthangpuia hoin a pisaah an ṭhukhawm a; kum 2017-18 atana budget tura ruahman cheng nuai 281 an pawm.

Kalam scho'

Aryans Group of Colleges, Chandigarh-in nimin khan Hotel CK, Zarkawtah President hlui Dr APJ Abdul Kalam thih champha vawi khatna puala India hmarchhaka scholarship pek tur mi 25-te hming an puang. Scholarship dawng tur hi Dr Kalam Memorial Reignited Scholarship hnuaia pek tur an ni a; a dawng turin hmarchhak state tin aṭangin zirlai an thlang a ni.

Analog tawp dawn

Aizawl district addl. DC Lalhmunsanga Hnamte chuan thupek chhuahin, Cable TV Digitization Phase -III-na in a huam chin - Aizawl, Lengpui, Saitual, Darlawn leh Sairang-ah July 31, zanlai dar 12 atangin analog signal tihtawpa, digital signal-a thlak vek a nih tur thu a tarlang.