MCS officer tharte rinawm turin fuih

Mizoram Civil Servics (MCS) probationer-te chuan nimin khan minister Zodintluanga a pisaah an kâwm. Zodintluanga chuan rinawm leh dik taka hna thawk turin a fuih.

Zodintluanga chuan, MCS officer tharte chu kawng thui tak an la zawh turah an pên sual chuan mite rin kai a har tawh tih hria a, bul ṭan ṭha turin a chah a, "MCS-te hi sorkar inrêlbâwlna fawng vuantu ber an la ni a, ram hmasawnna kawngah mawhphurhna thui tak an neih avangin an hna tui chilh a, sorkar leh mipui tana malsawmna nih ang che u," a ti.

Thlêmna leh harsatna tam tak hmachhawn tur an la neih dawn tih sawiin Zodintluanga chuan, thil dik leh dik lo thliar a, mahni inrintawkna nen fimkhur leh uluk taka ngaihtuahna sêng chunga thutlukna siam ṭhin turin a fuih.

Minister Zodintluanga chuan, a enkawl department-a hnathawh ṭhenkhat, Aizawl khawpui chei hna leh khawpui tâwt lutuk tihziaawm nana lirthei kawngpui péngṭhuam lûn zual zauhna tura ruahmanna an neih te; tui lak, sem leh khâwl dana ruahmanna an neihte bakah, chenna in nei lote tana in saksak chungchanga sorkar ruahmannate a sawi.

MCS probationer-te hi mi 10 an ni a, August 29, 2016-ah foundation course training an zo ang.