Chanmari West-a zu dawr suasam

Chanmari West veng chhung, NH-54 kawngpui bula mi chu July 27, 2016 zan khan suasam a ni a, a khawihtute hriat a ni lo a, police-te pawhin a khawihtu rinhlelh man an la nei lo.

He thil thleng chung-changah hian Vaivakawn Police Station-ah thubuai ziah luh a ni a; police-te chuan bawhzui mah se, dawr khawihtu nia rinhlelh man an la nei lo tih an sawi.

Chanmari West branch YMA President chuan, zu dawr neitu chu Lalrin-sanga a ni a, Zemabawk veng angin insawi mah se, Zemabawk North leh Ramhlun North-ahte a awm ṭhin tih a sawi a; zu dawr awmna in neitu erawh Chanmari West mi a ni a, zu zawrh nan a in a hmantir avangin Chanmari West YMA leh MHIP-te'n an ensan tawh bakah, an làwina kohhranin an thunun tawh tih a sawi bawk.

Thu dawn danin, Chanmari West-a zu dawr awm hi Chanmari West khawtlangin an duh lo a, JAC hmalaknain vawi eng emaw zat titawp turin an lo ngen tawh bakah, zu dawr kawtah duty-in, zu lei tumte lei lo turin an lo ngen tawh ṭhin a ni.