Supply order ang chiah sem tawh turin hriattir

Mizoram Fisheries Technical Service Association (MFTSA) chuan thuchhuah siamin, sangha chi reng reng supply order ang chiaha lian sem tawh tur leh, sangha chi dik tak a nih loh chuan sem tawh lo turin an member-te an hriattir.

MFTSA chuan, Mizorama sangha khawitute hnena Fisheries department-in sangha a sem
ṭhinah duhthusam loh thil a thleng fo ṭhin tih an hriat thu sawiin, an member-te chu supply order anga inziak ang ni lo sangha chi sem tawh lo turin an hriattir a, "Kan member-te'n supply order-a inziak ang ni lo sangha chi an sem a, harsatna an tâwk a nih pawhin MFTSA-in mawh a phur lo ang," an ti.

Fisheries department hnuaia sangha chi supply turte chu an an duhdan zawmsak tura hriattirin MFTSA chuan, "Thu-chhuah hi sangha khawi-tute'n sorkarin hamṭhatna tura ruahmanna a siamte an hlawhtlinpuina tur leh an hlâwkpui zawk theihna tura siam a ni," an ti.