Referral Hospital tlawh

MNF MLA pahnih - Dr K Beichhua leh Lalrinawma te chuan July 26, 2016 khan Falkawna State Referral Hospital an tlawh a, thawktute harsatna an neihte an sawipui.

Dr K Beichhua chuan, State Referral Hospital-ah hian RSBY hnuaiah cashless hmanga damlo inenkawlna Rs. 30,000 thleng kalpui tura tih chu kalpui theih a nih lo tih a sawi a, "Hei hian miretheite tan harsatna a thlen nasa em em a, sorkar leh National Insurance Company-ten inremna an siam ang ngei hian a thlawna BPL-te an inenkawl theihna RSBY cashless hi kalpui nghal turin sorkar thuneitute kan ngen a ni," a ti.

Lalrinawma chuan, mipuiin State Referral Hospital an pan nasat tawh avangin RSBY cashless kalpui theih a ni lo chu miretheite chanvo hrêknaa an ngaih thu a sawi.