Kut hnathawktute tan MoU ziak

Horticulture department leh North East Initiative Development Agency (NEIDA) chuan, nimin khan Horticulture conference hall-ah kut hnathawktute hamṭhatna tura hna thawhhona turin memorandum of under-standing (MoU) an ziak.

MoU ziah inkhawm hi Horticulture joint secretary Lalhrangliani'n a kaihruai a; NEIDA state programme coordinator B Lalrinkima'n MoU thil tumte a sawifiah.

MoU-ah hian Horticul-ture department ai-awhin secretary B Lal-hming-thanga leh NEIDA aiawhin executive direc-tor Dharani Ratno ten hming an ziak.

MoU hian district pathum - Aizawl, Lung-lei leh Serchhip district-te a huam dawn. Aizawl district leh Lunglei district-ah chuan serthlum, purûn leh balhlaah hmalak a ni dawn a; Serchhipah chuan balhla leh zîk-hlûmah hmalak a ni ang.

Aizawl district-ah chhung-kaw 117, Lunglei district-ah chhungkaw 110 leh Serchhip district-ah chhungkaw 90 a huam ang.

Hmalakna tur cluster thlan a ni tawh a, kut hnathawktute training pek an nih hnuah an mamawhte pek chhunzawm an ni ang. Hna thawhna atan Horticulture department-in cheng nuai 135.67 leh NEIDA-in nuai 151.50 an tum dawn a; lo neitute tan pek lêt tur a awm lo a, an hlawhchhuah ang ang an chang dawn a ni.