MLA-te'n V/C hnathawh an endik

Committee on Local Fund Accounts (COLFA) chuan, nimin khan Local Administration Depart-ment hnuaia V/C-te'n Lawng-tlai khawpui chhung-a hna an thawh hrang hrangte an endik.

COLFA chairman John Siamkunga chuan, audit report behchhanin, sum pek mila hna thawh a nih leh nih loh endik tura kal an nih thu a sawi a, "Kan endiknaah kan thil hmuh dan sawi chhuah tur a ni hrih lo a, review hunah sawi chauh tur a ni," a ti a; an thil hmuh chhuah aṭangin report an la siam leh tur thu a sawi.

CPLFA hian Electric Veng, College Veng, Bazar Veng, Chandmary-II, Council Veng, Lawng-tlai-I, Salem Veng leh AOC Venga foot-path leh footstep leh vantlang tuikhur siam te, kopang lung rem leh veng chhung kawng laihte an endik.

Lawngtlaiah hian COLFA chairman John Siamkunga bakah, member dang - R Vanlalvena, Lalthan-
liana leh Lalrin-awma te an kal a ni.