AIR din champha lawm dawn

All India Radio (AIR), Aizawl chuan July 30, 2016 hian a din champha vawi 50-na, golden jubilee an lawm dawn.

Nimin khan AIR director DR Lalropuia chuan kum 50-na lawm an tum dan chu a pisaah thuthar thehdarhtute kâwmin a hrilhfiah.

DR Lalropuia sawi danin, AIR Aizaawl din champha hi a hun tak chu July 31 a ni a, Pathianni a nih avangin July 30-ah a lawm tum a ni. Chawhnu dar 1-a Vanapa Hall-ah chief minister Lal Thanhawla'n a hmanpui dawn a, Guwahati aṭangin an hotu eng emaw zat an tel ang.

Golden Jubilee pual hian tukin dar 6:30-ah 'Cancer veite tan enge i tih ve theih' tih thupui hmangin Tuihhuahtlanga AIR office aṭanga Millennium Centre thleng Walkathon buiatsaih a ni dawn a, Health minister Lal Thanzara'n a hmanpui ang.