KHAWTHLIR

CVJAC lawm

Commercial Vehicle Joint Action Committee (CVJAC) chuan thu-chhuah siamin, sorkara an harsatna an thlen leh an dilte sorkarin tihhlawh-tlinsak leh, Assembly House-ah dan pass tawhte pawh a tihdang-lamsak chu lawmawm an tih thu an tarlang a, "La tihhlawhtlin ngaite pawh min chinfelsak ngei kan beisei," an ti. CVJAC chuan ram hruaitute chu ram an hruaina kawngah duhsakna an hlan nghal bawk.

Police training

Mamit district police, District Child Protection Unit leh District Tobacco Control Cell chuan, nimin khan Mamit district-a police officer-te tan SP conference hall-ah Human Rights, Crime againts Women leh Juvenile Justice Act Training an buatsaih a; Mamit SP C Lalnunmawia'n a hawng.

Sapthei Kût

NLUP Impementing Board (NIB) member secretary PL Thanga hoa nimin a pisaa NIB hotu te, Horticulture department hotute leh MIFCO hotute ṭhukhawm chuan, August 5, 2016-ah Suangpuilawnah Sapthei Kût hman an rel.

Power tha rih lo

Power & Electricity department chuan thu-chhuah siamin, Bukpui 132KV sub-station-a 2.5MVA, 33/11 KV transormer a chhiat avangin tunlaiin Ser-chhip leh a chhehvelah kawlphetha duhthsama pek theih a ni lo tih an tarlang. P&E chuan, harsatna sutkian tumin theihtawp an chhuah tih sawiin, "Transformer siam ṭhat a nih chhunga kawlphetha a khaihlakah hriatthiamna sang tak nena dawh hram hram turin mipui kan ngen a ni," an ti.

Health camp

AH&Vetydepartment leh North East Initiative Development Agency (NEIDA) hmalaknain, nimin khan Keiṭum khuaah Awareness Campaign cum Animal Health Camp neih a ni a, ran 150 chuang hriselna dinhmun endik niin, a thlawna damdawi pek an ni.