Serchhip-Thenzawl-Buarpui Kawng siam meka ram enfiah

Serchhip DC aiawhin SDO Sadar R Lalrengpuia chuan, nimin khan Tantia Constructions company-in Serchhip-Thenzawl-Buarpui kawng an laih mekah Thenzawl, Khawlek leh Buarpui khuaa ram laih chhiatsak tur chhungkaw 12-te ram neih dan, kawngpui laih turin a sut chhiat dan turte leh zangnadawmna awm theih dan turte a enfiah.

Serchhip SDO hi Tantia Constructions leh Mizoram PWD hotute leh Vantawng Group YMA hruaitute'n an ṭawiawm a; ram neitu pawh telin, thil ṭulte an sawiho. Kawngpui laih mekin a paltlang turah ram neitute zinga zangnadawmna pek tawh zinga tel lo leh an ram tehsak loh mimal leh kohhran 12 an awm a; chu'ng mite chuan complaint an neih avangin, enfiah a ni.

Ram neitu zangnadawmna pek ve rih lohte hi Buarpui leh Khawlek khuaah chuungkaw panga, Thenzawlah mi panga leh kohhran ram hmun pahnih a ni a; chu'ngte chu Serchhip SDO chuan nimin khan a enfiah a ni.