Training on Operation Muskaan-II

Lunglei SP office leh Lunglei District Child Protection Unit (DCPU) ṭangkawp chuan, nimin khan SP conference hall-ah 'Operation Muskaan-II' chungchang zirhona an buatsaih.

Training-ah hian Lunglei DCPO Lalrinkimi Hmar leh legal cum probation officer S Lalrotluangi ten naupang humhalh kawnga dan chi hrang hrang - POSCO Act, Juvenile Justice Act, Protection of Child Right Act leh dan dangte police-te an zirtir a; Lungleia police officer zawng zawng leh DCPU staff-te bakah Child Welfare Committee (CWC) member-te an tel.

Operation Muskaan-II in a tum ber chu, naupang enkawltu nei lote zawn chhuah a, chhanchhuah leh an awmna tur ṭha zawkte zawnsak te, shelter home hrang hrangte tlawh chhuah leh naupangte dinhmun zir chian a ni.