CBI ko eih zo loah sorkar puh

MPC party ṭhalaite chuan thuchhuah siamin, Mizorama rangkachak tawlhrûk suam thubuai chhui tura Mizoram sor-karin tun thlenga Central Bureau of Investigation (CBI) a la ko eih zo lo chu Congress sorkarin aw a neih lohzia leh chak lohzia tichiangtua an ngaih thu leh, Mizoram pawna Col. Jasjit Singh chhuahtir phal a ni chu mak an tih thu an tarlang.

MPCY chuan, "He thubuai lian tak chhuinaa ke pên tura Congress sorkarin CBI ring taka a au ngam lo hian he thubuaia inhnamhnawihte humhim tumna leh a mawihnái chauha CBI-te ruai tura insawiah kan ngai," an ti.

Rangkachak suamnaa a kaikuang ber nia lang Col. Jasjit Singh chu zalen taka Mizoram páwna a duh thála che thei tura thlah zalen a ni chu mak an tih thu sawiin, MPCY chuan, "Kan ramah mirethei zawkte'n an thil tih sualah case rip tak tak an awrh theih laia mi hausa leh thil ti thei zawkte tan jail-ah hmun a awm ve lo nia langte hi lungchhiatthlak kan ti," an ti a; Congress sorkar hnuaiah rorelna dik leh zahawm a tlahniam hlea an ngaih thu an sawi.