KHAWTHLIR

Thisen pe

KṬP, Rengtekawn Bial chuan nimin khan thisen pek an huaihawt a, Kolasib District Hospital tan thisen unit 29 an pe a, petute mipa 20 leh hmeichhia pakua an ni.

Meth man

CID Crime hnuaia Special Narcotics police-te leh BSF-te ṭang dun chuan September 19, Ningani khan Seling dáiah hnam dang lirthei AS-25 EC-1856 aṭangin methamphetamine kg 39.624 abn man a, lirthei khalhtu MD Jahir Hussen (23), Mangalkhali, Dharmanagar, North Tripura district nia inchhál an man bawk. Meth man hi Rs 5,15,11,200 hùa chhût a ni.

Sa pêltu man

Deputy Conservator of Forest, Chhimtuipui Wildlife Divisison chuan, Chhimtuipui Wildlife Division leh Lunglei Forest Division-te nen September 13, 2024 khan sa pêl nia rinhlelh Lalkrawsmawia chu Fungkah, Lawngtlai district-ah an man thu leh a hnen aṭangin selé (gaur) lu ruh, sazuk (sambar) lu ruh pathum, sanghal (wild boar) lu ruh, silai (SBBL) leh ramsa rêp eng emaw zat man a nih thu an tarlang. Lalkrawsmawia hi thubuai siamsak a ni a, court-a hruai a nih hnuah September 14 khan jail-a dah a ni.

Poshan Maah pual

Ministry of Information & Broadcasting hnuaia Central Bureau of Communication (CBC) Field Office, Aizawl chuan nimin khan M/S Centre, Nursery Vengah Poshan Maah pualin hun an hmang. Poshan Abhiyan, Women & Child Development-a consultant Michael Lalneitluanga, resource person chuan, naupangte ei tur ṭha pawimawhna a sawi a; taksa tana ṭha tur thei leh thlai ei tam a ṭul thu a sawi.

UNNATI zirho

Nimin khan Mamit College-ah Uttar Poorva Transformative Industrialization Scheme (UNNATI) zirhona buatsaih a ni. UNNATI - 2024 hi March 9, 2024 khan tlangzarh a ni a; scheme hnuaiah hian Tourism & Hospitality Services, promoting film tourism (film city and studio), ropeway, entertainment park and ride, heritage property restoration service, healthcare service, IT&ITeS, EV charging station tech start-up te a tel.