Thu dik tâwk lo hmanga politics khel lo turin Congress ṭhalai chah

ZPM }halai chuan thuchhuah siamin, ZPM kaihhruai sorkar flagship programme, 'Mizoram Bana Kaih (Handholding) Scheme tlangzarh a ni ta chu lawmawm an tih thu an tarlang a; thu dik tâwk lo hmanga politics khel lo turin Congress party ṭhalaite an ngen bawk.

ZPM ṭhalaite chuan, ration buhfai chungchangah Congress ṭhalaite'n mipui rilru hruai kawi leh tichî-âi thei zawnga thu dik tâwk loa sorkar an bei chiam chu pawi an tih thu an tarlang a; ram hlui zia, thianghlim lo taka politics-a inbeihna chu sim turin Congress ṭhalaite an chah a ni.

Ration buhfai a ṭha tâwk a, chhêk khawl sa a tam tawk nia sawiin ZPM Ṭhala chuan, "ZPM sowrkar chhung chuan he ramah hian mipui tana him lo buhfai chhia lak luh a ni ngai dawn lo a, tunah hian buhfai chungchangah Mizoramah mipui buaina tur a awm lo," an ti.

ZPM Ṭhalai chuan, "Kan CM-in hun rei tak a lo tlangaupui tawh ṭhin tihhlawhtling ngei tura Handholding Policy tlangzarh a ni ta hi lawmawm kan ti a, ram tana hmathlir nei ṭha tak ram hmangaihtu Pu Lalduhoma leh a kaihhruai mipui sorkar kan nei hi thlamuanthlak kan ti," an ti a; Handholding Scheme chu ram hmasawnna atana kut hnathawktute eizawnna bul ṭanna tur a nih thu an sawi.

Handholding Scheme chu party thliar bik leh duhsak zawng bikte tana duan a ni lo tih sawiin ZPM ṭhalaite chuan, "Mi taima leh thawk rim a piangte tana duan a ni a, he policy kaltlanga hlawhtlinna leh dinchhuahna chang ngei tura ngaihtuahna sêng thar turin ram mipui kan sawm a, a bik takin ṭhalaite pên chhuak turin kan sawm a ni," an ti.