HBC-in 'PoliSci Connect' buatsaih

Hrangbana College-a Department of Political Science chuan Mizoram Youth Commission bultumin nimin khan political science zirlai (major/core)-te intawhkhawmna, 'PoliSci Connect' an buatsaih a, MYC chairman Malsawmzuala Ralte-in a hmanpui.

Malsawmzuala Ralte chuan, MYC-in Mizoram ṭhalaite tan hmachhawp tam tak an neih thu sawiin, "Tunah hian Mizoram ṭhalai UPSC mains exam tura inbuatsaih mek mi pali MYC-in a sponsor mek a, interview an thlen chuan theihtawpa ṭan lakpui kan tum," a ti.

MYC Chairman chuan, district pangaah MYC-in Youth Centre a nei a, district pali-ah coaching centre an hawng thu leh Aizawla MYC Coaching Centre-ah mi 281 an kal mek thu a sawi a; hotel management-ah training buatsaih mek a nih thu leh training zote chu India rama hotel lianah hna an ngaihtuahsak dawn thu te, spa training la bujatsaih an tum thute a sawi bawk.

HBC PoliSci Connect-ah hian quiz leh debate hmangin intihsiak buatsaih a ni.