Accredited journalist thi râlna hlân

Accredited journalist thi ta Lalengkima Colney, editor, Rengkhawpui, Vairengte hnenah September 21, Inrinni khan Mizoram sorkarin a râlna (ex-gratia) hlan a ni. Lalengkima hi June 20, 2023 khan a thi a ni.

Ex-gratia hlanna hun hi Lalengkima Colney in, Vairengte-ah hman a ni a; ràlna sum Rs 1,50,000 chu Kolasib IPRO David A. Lalhmingchhuana'n Lalengkima nupui Lalfakawmi hnenah a hlân. Hlanna inkhawm hi MJA Gen. Hqrs president C Lal-rambuatsaiha'n a kaihruai a, MJA aiawhin Kolasib district MJA president Andrew VL Auva'n thu a sawi.

Mizoram sorkarin dan a neih angin journalist thite hnenah ex-gratia pek ṭhin a ni a; accredited journalist thite hnenah Rs 1,50,000 leh accredited journalist ni lo, MJA member hnenah Rs 1,00,000 pek ṭhin a ni.