Pawl hrang hrang parukin thisen pe

September 21, Inrinni khan KṬP, Aibawk Bial chuan ZMC tan thisen unit 64 an pe a, petute mipa 57 leh hmeichhia pasarih an ni a; KṬP, Bawngkawn bial pawhin Synod Hospital tan thisen unit 61 an pe a, petute mipa 54 leh hmeichhia pasarih an ni.

YMA, Chawnpui Branch chuan Civil Hospital, Aizawl tan thisen unit 52 an pe a, petute mipa 43 leh hmeichhia pakua an ni a; PYD (NEI), Zobawk Bial member mipa 17 leh hmeichhia pathumte pawhin Inrinni vek khan Lunglei Civil Hospital tan thisen unit 20 an pe bawk.

Civil Hospital, Aizawl tan September 20, 2024 khan Aizawl College NSS-in thisen unit 108 an pe a, petute mipa 72 leh hmeichhia 36 an ni a; Hrangbana College NSS pawhin unit 81 an pe a, petute mipa 64 leh hmeichhia 17 an ni.