Mizoram PYD-in ruihhlo do beihpui thlâk an rêl

Mizoram UPC ṭhalai pawl, Pentecostal Youth Department (PYD) chuan inkhawmpui loh kuma an neih ṭhin PYD General Board chu September 21, Inrinni khan Dinthar Venga Mizoram UPC biak-inah an hmang a; General PYD hmalaknain ruihhlo do beihpui thlâk an rêl.

PYD General Board chuan, ṭhalaite eizawnna kawng dapsakna tura an din 'Project Kawhhmuhtu' chu kalpui zel an remti. He project hnuaiah hian PYD member-te chu eizawnna dappui, kutthemthiamna lan a thlawna zirtir, zirlai thiam theite tan scholarship leh zirna péng hrang hranga coaching kalpuite a tel. Kum 2025-26 kumpuan atan 'Siamthar lehna' an thlang bawk.