Aizawl leh Lungleiah faina hnatlang

September 21, Inrinni zing khan Aizawl leh Lungleiah Swachhata hi Seva 2024 (Faina Beihpui Thlakna) kal zelah faina hnatlang huaihawt a ni.

Aizawlah chuan bawrhsap Lalhriatpuia hoin MINECO Tlangzawl leh SIPMIU pisa inkar kawng tihfai a ni. Aizawl DC chuan, ram fai leh thianghlim nei turin faina nunpui a ṭul thu sawiin, "Naupang zawkte aṭanga kan intuh a pawimawh. Chumi tur chuan thil tiha inzirtira intihhmuh a hlawk," a ti a, mahni hma zawn ṭheuhah hma la vek turin kal khawmte a sawm.

Hnatlang hawn inkhawm hi YMA, New Capital Branch president R Lalrosiama'n a kaihruai a, Women & Child Development director Zoramthangi Chhangte kaihhruaina hnuaiah hnatlang tura thawk chhuakte'n faina kawnga hma la turin thutiam an sawi rual.

Hnatlangah hian Directorate of Women & Child Development thawktute bakah, New Capital Branch YMA member-te aṭangin mi 200 chuang an thawk chhuak a, Aizawl DC leh UDPA-te remruatnain bawlhhlawh paih motor-in hnawm hnawk lak khawmte paih nghal a ni.

Lungleiah chuan UDPA department-a thawkte'n Aizawl-Lunglei road-a Pukpui dai kawng dung leh kawng thlanga a hmun loa bawlhhlawh paihte an thian fai a ni.