Khàmráng YMA-in kawng an siampui

YMA, Khamrang Branch chuan September 21, Inrinni khan an khaw ram chhunga kawng chhia thawm ṭhat hna thawktu PWD hnathawkte hnatlangin an pui.

Central YMA-in September 20, 2024-a kawng siam mek an tlawh ṭumin PWD hnuaia hnathawktute an indaih tawk lo deuhin an hria a, Khamrang YMA hruaitute an sawipui hnuah Khamrang Branch chuan kawng siam hna thawk mekte chu hnatlangin an pui a ni. YMA hnatlangah hian mi 60 vel an thawk chhuak a, PWD Minister leh Supply Minister-te'n tlawhin, ei leh in senso atan pawisa an pe a ni.

Khamrang Branch YMA President chuan, NH kawngpui chu rêl kawng siam hna thawh meka hman tur bungraw rit tak phur lirtheite'n an zawh ṭhin thu a sawi a, "Ruahpui vanàwn a sur bawk nen kan kawngin a zo lo. Tu mah inmawhpuh tawn lo ang u. Sorkar ta kan ni a, sorkar pawh kan ta a ni. Inpui tlang ang u. Theihtawp chhuah tlang ila, Mizo kan ni a, kan ram a ni a, theihtawp chhuah ṭha kan ti," a ti.