Khauh zawkin licence endik dawn

Traffic SP C Lalthan­mawia chuan thuchhuah siamin, traffic police-te'n khauh zawkin lirthei khalhtute driving licence an endik ṭhin dawn thu a tarlang.

Traffic SP chuan, Aizawl khawpuiah kum tling lo (kum 18 hnuai lam) leh driving licence nei loa lirthei khalh, a bik takin sikul naupang two wheeler khalh an tam thu a tarlang a, "Hengte hi Motor Vehicle Act (MV Act), 1988 leh Central Motor Vehicle Rules (CMVR), 1989 kalh a nih avangin traffic police-te'n manin dan hmanga hrem
ṭhin an ni," a ti.

Kum tling lo lirthei khalh­tute chu a khalhtu bakah, lirthei khalhtirtu/lirthei neitu/nu leh pate Rs. 1,000 thleng chawitir theih an nih bakah, thla thum tàn theihna a ni a; Traffic SP chuan, nu leh pa leh lirthei neitu chu kum tling lo lirthei khalhtir lo turin a ngen a ni.